Molana Syed Maudoodi Tareekh sazi wa Tareekh Naveesi

موضوع تفصیل وضاحت

راقم الحروف نے اپنے بنیادی موضوعات ِ دل چسپی کے ذیل میں جب مسلمانان ِ جنوبی ایشیا کی تاریخ و تہذیب،علم و ادب اور مذہبی و سیاسی تحریکات پر اپنے مطالعات کا آغاز کیا تو دیگر متعدد اکابر علم و ادب اورمذہب وسیاست کے ساتھ ساتھ مولانا مودودی کی علمی و سیاسی خدمات کے بارے میں بھی مطالعے کا موقع ملا اور آغاز ہی میں ان کی قومی و سیاسی فکر پر ایک سرسری و مختصر مقالے کی تحریر کا موقع ملا جو ’’تحریک ِ پاکستان اور مولانا مودودی‘‘ کے عنوان سے۱۹۷۰ء میں کتابی صورت میں شائع ہوا اوراب زیر نظر صفحات میں بھی شامل ہے۔دیگر مقالات و مضامین ،جو زیرِ نظر کتاب میں شامل ہیں، ان میں وہ تحریریں بھی شامل ہیں جو میں نے مختلف مواقع پر ملک و بیرون ملک کے سیمینارو ںو کانفرنسوںمیں پیش کیں یا یہ ایسے مقالات ہیں جونایاب و کمیاب رسائل و جرائد میں مولانا مودودی کے غیرمدون اور گم شدہ مضامین کے تعارف پر مشتمل ہیںجن سے اہل ِ علم کو متعارف کرانامیں نے ضروری سمجھاہے۔مولانا مودودی کی جن تصانیف یا مضامین کا یہاں تعارف شامل ہے،ان میں سے چند، ایک لحاظ سے، مولانا مودودی کے مآخذِ مطالعہ کے ضمن میںدریافت یا انکشاف کی حیثیت بھی رکھتے ہیں۔